Son Carmen, mestra de Infantil. Este blog pretende ser unha porta aberta ao que facemos na aula...

Benvidxs!

smile
Non esquezas os teus comentarios

venres, 25 de setembro de 2020

San Vicente de Paúl

 Hoxe celebramos o día de San Vicente de Paúl, fundador das fillas da caridade.

A través de varios vídeos puidemos coñecer un pouco máis sobre a súa vida, facer un puzzle da súa imaxe e colorear un debuxo.



xoves, 24 de setembro de 2020

Sesión de control do noso corpo con música guiada

Logo dos recreos de carreiras con sufocantes máscaras deixamos o noso corpo pouco a pouco en "silencio". Repouso, relaxación, sentir a nosa respiración e traballar as emocións.

domingo, 20 de setembro de 2020

xoves, 17 de setembro de 2020

Todos protexidos

 O Señor Estudoso e Petronila tamén saben que o uso da máscara danos superpoderes. Creo que na súa mochila e na súa cremalleira levan gardadiño tamén un xel hidro alcohólico.😄😄 Estamos xa todos preparados para protexernos!!







venres, 11 de setembro de 2020

Comezamos novo curso, con moitas novidades, moitas dúbidas, pero tamén con moita ilusión!

Hoxe foi xornada de reencontro, de novas normas, de máscaras e distancias. Conversamos sobre os nosos tres superpoderes para combater ao virus que afastounos dos bicos e as apertas. As mans limpas, as distancias e as máscaras serán os nosos superpoderes. 

Hoxe limpamos moitas veces as mans, rimos, cantamos,  bailamos, pintamos e aprendemos coas máscaras postas e un monstruo ensinounos como debemos usalas correctamente. Tamén comemos e bebemos descansando a nosa cariña do seu uso.

Xogamos no recreo a correr e pillar. Fixemos asemblea gardando tanto quendas coma distancias, podendo conversar e expresar as nosas vivencias que tanto nos gustan.

Coloreamos con pinturas novas nun estoxo para cada un, e sentimos que o cole volvía a formar parte das nosas vidas.

Grazas, peques, por aprender tan rápido.

Benvid@s, meus!

 






venres, 19 de xuño de 2020

Grazas, familias!

Rematamos esta aprendizaxe que tamén foi de vida. Lévome para as vacacións todo o positivo nunha mochila chea tamén de moita frustración, moito esforzo e moitas horas de traballo. Pero pouco a pouco fomos sumando logros, superando obstáculos e a miña mochila de verán ten moito máis peso de satisfacción que de frustración. Sen dúbida foi un logro colectivo da familia que formamos entre todos. As grazas son desde o corazón que foi o que nos salvou sempre ❤️



xoves, 18 de xuño de 2020

Aniversarios

André cumple 5 anos este venres. Parabéns para ti!


Indira, xa prontito, o luns próximo. Parabéns para ti!


Nas vacacións son 5 os nenos que están de aniversario: Lara, Lucas Latas, Yago, Valeria Montes e Meli. Parabéns para os cinco!!