Son Carmen, mestra de Infantil. Este blog pretende ser unha porta aberta ao que facemos na aula...

Benvidxs!

smile
Non esquezas os teus comentarios

mércores, 20 de febreiro de 2019

Nova leiteira conseguida no xogo das vogais

Hoxe realizamos o Reto 2 para conseguir  unha nova leiteira no xogo das vogais e así estar mási cerca de atopar á vaca Lola.
O reto de hoxe foi moito moi doado e divertido. Cantar sempre nos encanta!
PROBA 2

Canta a canción coa letra que saíu: Por exemplo, se saíu a a, débese cartar: "... Y hace ma". Se sae a e,: " ...Y hace me",...

martes, 19 de febreiro de 2019

Asumimos cargos de responsabilidade

A asignación de cargos é unha método de aprendizaxe moi utilizado nas aulas de Infantil para asumir responsabilidades e implicarse na organización da aula.
Ademais é unha tarefa moi ben acollida por todos.
Hoxe fixemos o noso cadro de encargados.


Clasificamos animais atendendo ao seu hábitat: Terrestres,acuáticos e aéreos


Os murais de Laura e o libro de animais de André

André trouxo un libro de animais salvaxes para o noso recuncho motivador e acompañouno cun león, un elefante e unha xirafa.

Laura aportou tres murais: De paisaxes, das mascotas do seu avó e de plantas silvestres con fotografías moi chulas.








A porta das emocións

O saúdo personalizado para recibir ao alumnado na clase está a ser unha práctica educativa en moitas aulas.
Traballamos así a afectividade con nosos peques dunha forma ademais educativa, pois xestionamos as emocións dun xeito divertido.
A nosa porta das emocións pretende ser unha rutina de intercambio de afectos para entrar cada día na aula cun sorriso.




luns, 18 de febreiro de 2019

As vogais gamificadas

Gamificar é facer uso de xogos e as súas mecánicas en ámbitos que non teñen por que ser lúdicos.

A aprendizaxe das vogais non é unha tarefa doada por iso imos intentar facela máis divertida cun proxecto gamificado que preparei.

A gamificación en Infantil ten que contar igualmete cunha narrativa, unha serie de retos, probas, recompensas...
Narrativa:
Presentamos a coñecida vaca Lola que tanto gústanos cantar:

  Pero a profe escondeuna e e agora témola que atopar



Retos:

O cencerro sabelotodo ten a solución. Para poder sabela debemos darlle leite máxico que lle ensinará a falar.

Xogaremos en cinco equipos.
O Cencerro necesita 3 leiteiras cheas de leite para poder contarnos onde está a vaca Lola. 
Cada proba (reto) superada consegue encher un cubo de leite máxico.( 1 punto= 1 cubo) 
Cada leiteira énchese con cinco cubos de leite ( 1 punto de cada equipo) 
Para conseguir leite máxico hai que superar as probas(retos). 
Para contabilizar os logros usaremos os grupos xa creados en Class Dojo para traballo cooperativo:
Creamos unha habilidade específica para este xogo que chamamos: Retos conseguidos


Todos os equipos deberán conseguir un punto cada un para encher o seu cubo e poder avanzar . 
Cando todos os equipos consigan con éxito una mesma proba (reto), poderán encher xa unha leiteira completa. Para rexistrar o número de leiteiras creamos un LIM:

Cando se consigan as tres leiteiras completas ( ao finalizar todos os equipos as tres probas) conseguirán atopar á vaca Lola.

Probas:
Antes de cada proba premerán neste vídeo ao azar para elexir unha vogal ( se sae unha que non coñecemos, volvemos premer).


PROBA1 
Escribe a letra que che saíu dúas veces, unha en maiúscula e outra en minúscula.

PROBA 2

Canta a canción coa letra que saíu: Por exemplo, se saíu a a, débese cartar: "... Y hace ma". Se sae a e,: " ...Y hace me",...
PROBA 3
Elixe a cor de plasti que máis che guste e modela a vogal que che saíra.

Recompensa:

 Atopar a Vaca Lola e ... quen sabe se algunha outra sorpresa máis!

Hoxe fixemos a primeira das probas:







Xa temos unha leiteira enteira!
Outro día ...a por máis!


Onde está o teu nome?

Comezamos a identificar o noso nome escrito.
Primeiro observamos como se escribe  e pouco a pouco o identificamos entre varios.

venres, 15 de febreiro de 2019

Usamos o punzón

A técnica do picado consiste en trazar unha figura con puntos perforados, mediante o punzón. 
Co uso do punzón concéntranse, relaxan e melloran a motricidade fina, estimulando a orientación espacial e a coordinación óculo-manual. 
Traballar a motricidade fina favorecerá a aprendizaxe da escritura favorecendo unha correcta grafomotricidade.

Máis aportacións para o recuncho de animais e plantas

Mural de plantas e flores silvestres de Valeria Montes.
As plantas silvestres crecen na natureza sen que ninguén as coide. Para desenvolverse, só necesitan as condicións ambientais adecuadas.
Estas plantas teñen maior calidade biolóxica que as cultivadas, porque non foron manipuladas polas persoas para o seu aproveitamento. Moitas comercialízanse pola súa beleza ou polas súas propiedades medicinais.




Contos de animais de Álvaro e Iris


xoves, 14 de febreiro de 2019

Animais terrestres e acuáticos

Indira aportou para o noso recuncho uns animais que clasificamos polo seu hábitat