Na clase de Carmen

 Hoxe coñecemos un pouco máis o noso cole achegándonos ao segundo piso para visitar a biblioteca escolar e participar no sistema de préstamos de libros.

Estamos a investigar pegadas e descubrindo que, se nos fixamos ben, podemos adiviñar a quen pertencen pois hai moitas diferentes. Observando as nosas mans, custábanos un pouco ver os debuxos das pegadas dactilares pero si fomos capaces de ver as liñas da palma da nosa man. Para que resultase máis doado, repasamos con rotus borrables as nosas liñas e foi realmente unha experiencia que nos axudou a mellorar a motricidade fina, a pinza dixital e a coordinación óculo manual mentres nos divertíamos moitísimo.

Coa manipulación e a experimentación obtemos gran información da contorna. A través do tacto desenvolvemos sensacións e percepcións que serán a base de procesos cognitivos superiores.

Aproveitando o agasallo de @mabs_and_mama  da maqueta dun cole puidemos coñecer un pouco máis un cole por dentro e por fora e mesmo contamos cun bus escolar personalizado.

  Your browser does not support the video tag.

Fundas de plástico para debuxar sobre a nosa cara cada unha das súas partes con xiz líquido. Ao finalizar colocamos un folio branco dentro e xa temos un retrato do noso compañeiro ou compañeira. Para completalo recorremos á tecnoloxía e os coloreamos editando os retratos cun efecto artístico.

 Parabéns para ti!