Aínda que xa estiveron escolarizados anteriormente, o comezo dun novo curso esperta tamén expectación no alumnado de cinco anos. Non adoitan ter dificultades para adaptarse ao colexio, encántalles encontrarse cos seus compañeiros e compañeiras do curso pasado, descubrir a súa nova clase e colaborar na organización dos diferentes espazos. Hai que darlles tempo para que poidan coñecer e aceptar as normas. Necesitan familiarizarse coa organización das rutinas e a distribución das actividades para desenvolver a súa seguridade e adaptarse aos espazos, aos compañeiros e aos adultos, todo isto enmarcado no PERÍODO DE ADAPTACIÓN. Durante o desenvolvemento do período de adaptación preténdese que os nenos consigan os seguintes logros: Identificar e recoñecer o centro. Mostrar respecto polos traballos que realizan os profesionais do centro. Observar e explorar a súa contorna física e social: o colexio (dependencias, profesionais, etc.) Recoñecer o nome dos compañeiros.
