Na clase de Carmen

Como todos os xoves do mes de maio imos facer oración ao oratorio do cole. Hoxe foi o último día e Sofía e Israel leron a poesía a María.

Hoxe Candela, Lucas e Mónica trouxeron as súas medallas recibidas na actividade de aeróbic polo seu esforzo durante todo o curso. Parabéns para eles!

Temos para esta unidade de Peche un recuncho de Repaso que expoñeremos as aportación das familias sobre o traballado en todos os eixes do curso. Hoxe Jose trouxo un mural xenial e Daniela un traxe de castrexa, recordando a Antiga Roma co que vestimos a Aris.

Os valores de autonomía e esforzo axúdanlles  a desenvolver seguridade e habilidades para enfrontarse aos pequenos retos e o desenvolvemento de actitudes e aptitudes. O atado dos cordóns non é tarea doada pero cun pouco de paciencia e esforzo formará parte da propia rutina persoal.

Como cada ano nestas datas, no noso cole celebramos o que chamamos a "Despedida de maio" cunha celebración mariana na igrexa de San Froilán. Nós tamén participamos con flores e Sofía e Israel leron unha poesía.

Parabéns a Brais pola medalla que recibiu en Kárate!

Pasiño a pasiño chegamos ao final do trimestre que ademais dará paso ao final da etapa de Educación Infantil. Non queremos pensar de momento nas despedidas e intentaremos nos días que nos quedan poder seguir aprendendo repasando cada un dos eixes motivadores deste curso no que chamamos a Unidade de Peche Durante o final de curso lembraremos e conversararemos sobre o que máis lles chamou a atención dos eixes traballados.  Para captar a súa atención e favorecer o seu interese, recordaremos a palabra máxica que o fixo todo posible: Sirabún! Código QR do documento:

Chegamos ao final do eixe da Revolución Industrial. Este foi o recuncho que nos acompañou coas aportacións das familias. Moitas grazas pola colaboración!

Hoxe foi o último día que visitamos a biblioteca para levar un libro á casa. Aproveitamos esta visita para contar o conto que nos deixou María: "¿De qué color soy"? Encantounos! Grazas María!

Ramo de Sofía

Hoxe falamos do gran invertor Leonardo da Vinci

As calas de Sabela

Hoxe rematamos as II Xornadas do fomento da Lingua Galega con actividades sobre a biografía e obra de María Victoria Moreno. Tamén confeccionamos un marcapáxinas conmemorativo. Aquí deixo uns enlaces para coñecer máis de María Victoria:

Hoxe falamos da gastronomía galega e reparamos na preparación do polbo á feira. Tamén reflexionamos sobre a nosa palabra favorita en galego... Son tantas tan fermosas!