Na clase de Carmen

Álvaro trouxo uns auriculares para relacionalos co sentido do oído. Lara aportou libros de froitas e verduras.

Comezamos a traballar a grafía da letra a

Hoxe tivemos dúas novas aportacións para o noso recuncho sobre o corpo e os alimentos. Moitas grazas, familas! Os músculos do libro de Lara forman o sistema muscular que permite que o esqueleto se mova, manteña a súa estabilidade e a forma do corpo. A pirámide dos alimentos combina dous tipos de información: preséntanse todos os grupos de alimentos e infórmase sobre a frecuencia coa que deben inxerirse. Na base atópanse os alimentos de consumo diario. E na parte superior están os alimentos que se recomenda inxerir en menor medida ou de maneira ocasional.

Hoxe asistimos ao auditorio municipal Gustavo freire de Lugo para poder participar da xornada de teatro para escolares da man de Afundación (obra social de ABANCA). “Burbujas de papel” é o nome da obra, un espectáculo recomendado para público infantil que nos encantou.

O uso das tesoiras contribúe a mellorar a motricidade fina e a destreza manual. Iniciámonos no seu uso prestando especial atención á precaución que necesitamos para a nosa seguridade pero tamén atendendo á posición correcta. Aprender a utilizar as tesoiras é un proceso longo, empeza con pequenos cortes no papel, movendo toda a man, aos poucos aprendemos a facer cortes máis longos, empeza a empuxar as tesoiras cara adiante para cortar a través do papel. Para facilitar a tarefa pintamos unha cariña na uña do dedo pulgar da man dominante. Esa cariña debe estar sempre mirándonos cando comecemos a cortar.

Con motivo da Xornada Infancia Misiona 2019 do 27 de xaneiro, Enrique, un misioneiro do Congo visitou o noso cole para falarnos dos seus proxectos e de como axudan aos nenos e nenas do país onde leva 15 anos.

Hoxe fixemos unha representación dun restaurante na aula con dous clientes, un cociñeiro e unha camareira. Mentras xogamos conversamos sobre os restaurantes: Para que serven, quen traballa neles, en que consiste o seu traballo, que roupa e que complementos levan postos? Que ferramentas e obxectos utilizan no seu traballo?… Finalmente todos xogamos a ser un chef e elaboramos un plato composto de ovos fritos e tomates cherry Xogamos aos restaurantes por Carmen R Lage

Hoxe aportamos ao aula distintos alimentos para diferencialos polo seu sabor: doce e salgado. Para poder saborealos valémonos do sentido do GUSTO, por medio da nosa lingua.

Para o recuncho de Nuba, André aportou un mural sobre as tendas relacionadas coa alimentación e os produtos que se venden en cada unha delas. Podemos aproveitar os paseos en familia para dialogar sobre as distintas tendas que atopan na súa rúa e no seu barrio.

Para  formar o recuncho de Nuba,  pódese aportar ao aula murais, libros, vídeos, manualidades,.. ou calquera outro material relacionado coa unidade que traballemos e hoxe Javi aportou un mural sobre os alimentos para o recuncho . Unha alimentación equilibrada é aquela que nos permite manter un estado óptimo de saúde. Unha maneira fácil de aprender a alimentarse correctamente é utilizar a pirámide dos alimentos que nos indica  frecuencia de consumo dos alimentos. As froitas, verduras e auga que aparecen no mural de Javi temos que consumilos todos os días O esqueleto Aprendemos que o corpo divídese en cabeza, tronco e extremidades e que cada unha das partes teñen ósos diferentes que constitúen o esqueleto humano.  Webmixes do Corpo humano

Partindo da importancia que ten para a saúde alimentarse ben e seguir unha dieta equilibrada, os nenos aprenderán a coñecer e coidar o seu corpo, e identificarán os profesionais que, co seu traballo, contribúen ao coidado da nosa saúde.  Tamén van recoñecer as partes do seu corpo e da súa cara, así como os órganos dos sentidos, á vez que valorarán a súa identidade sexual, diferenciando entre nenos e nenas.  Imos facer un percorrido pola rúa observando os elementos que a conforman e o seu mobiliario, vinculando eses elementos á saúde e os coidados corporais. Por exemplo, o parque (onde se pode practicar o exercicio físico), as tendas relacionadas coa alimentación e o coidado do corpo, os restau­rantes (onde está presente a dieta mediterránea europea)…  Así mesmo, faremos fincapé na importancia de utilizar adecuadamente os utensilios de cociña para previr accidentes domésticos. Durante o desenvolvemento desta unidade, pretendemos alcanzar os seguintes logros:  Identi

Hoxe retomamos as clases xogando cos regalos de Reis que trouxemos á aula. Tamén puidemos comprobar que os Magos pasaron pola nosa clase e deixaron chocolates para todos e unha grapadora nova para a profe. Benvidos de novo, peques!